सामग्री खोज्नुहोस्

एजेन्सी । दक्षिण कोरियाली अधिकारीहरूले महाभियोग लागेको राष्ट्रपति युन सुक-योललाई पक्राउ गरेका छन्।

गत डिसेम्बर ३ मा गरेको मार्शल ल घोषणापछि महाअभियोगको सामना गरिरहेका उनलाई बुधबार पक्राउ गरिएको बीबीसीले जनाएको छ ।

युनले केही हप्तादेखि बार्बड तार र निजी सुरक्षाकर्मीहरूको घेराभित्र बस्दै आएका आफ्ना निवासको ढोकाबाट मोटरकेड बाहिर निस्किएको देखिएको थियो।

यसअघि बिहान सबेरै ३,००० भन्दा बढी प्रहरी अधिकारी र भ्रष्टाचारविरोधी अनुसन्धानकर्ता त्यहाँ भेला भएका थिए।

उनीहरूले युनका समर्थकहरू र सत्तारूढ पिपल पावर पार्टीका सदस्यहरूको भिडलाई हटाउँदै राष्ट्रपति पक्राउ प्रयास गरेका थिए। 

‘हामी धेरै दुखी र क्रोधित छौं, कानूनको शासन ध्वस्त भएको छ’, युन पक्राउ परेपछि उनका एक समर्थकले भने । 

अनुसन्धानकर्ता र प्रहरीले राष्ट्रपतिलाई पक्राउ गरेको बताएका छन्, तर उनी र उनको समर्थकले यसलाई सोधपुछको लागि स्वेच्छाले उपस्थित भएको दाबी गरेका छन् ।