सामग्री खोज्नुहोस्

निर्वासनमा रहेकी बंगलादेशकी पूर्वप्रधानमन्त्री शेख हसिनाको पासपोर्ट रद्द भएको छ।

मंगलबार पासपोर्ट विभागले मानिस बेपत्ता पार्ने घटनामा संलग्न २२ जना र हत्याका घटनामा संलग्न रहेको आरोपमा हसिनासहित ७५ जनाको पासपोर्ट रद्द गरेको हो ।

‘पासपोर्ट विभागले मानिस बेपत्ता पार्ने घटनामा संलग्न २२ जना र हत्याका घटनामा संलग्न रहेको आरोपमा हसिनासहित ७५ जनाको पासपोर्ट रद्द गरेको हो,’ अन्तरिम सरकार प्रमुख मोहम्मद युनुसका प्रेस सल्लाहकारले भने।​​

हसिनाको पासपोर्ट रद्द भएसँगै उनको भारत बसाइ कठिन हुने विभिन्न भारतीय सञ्चार माध्यमले जनाएका छन्।​

हसिनालाई पक्राउ गर्न बंगलादेशले इन्टरपोलमा पनि रेड कर्नर नोटिसका लागि पत्राचार गरेको छ ।

गत जुलाईदेखि अगष्टसम्म बंगलादेशमा आरक्षणविरुद्धको विद्यार्थी आन्दोलन भएको थियो।​

आरक्षणविरुद्धको आन्दोलन सरकारको नियन्त्रण बाहिर भएपछि गत अगस्ट ५ मा हसिनाले देश छाडेकी थिइन्।​