सामग्री खोज्नुहोस्

एजेन्सी । फ्रान्सको दक्षिणपन्थी आन्दोलनका ऐतिहासिक नेता जीन–मारी ले पेनको मङ्गलबार ९६ वर्षको उमेरमा निधन भएको छ ।

केही हप्तादेखि स्याहार केन्द्रमा रहेका पेनको मङ्गलबार मध्याह्न (११०० जीएमटी)मा ‘आफन्तहरूको उपस्थितिमा’ निधन भएको परिवारले विज्ञप्तिमार्फत जनाएको छ ।​

नेशनल फ्रन्टका सह–संस्थापक ले पेनले सन् २००२ मा कडा आप्रवासन विरोधी मुद्दाका साथ राष्ट्रपति चुनावको दोस्रो चरणमा पुगेर फ्रान्सलाई तरङ्गित बनाएका थिए ।

उनीमाथि प्रायः जातिवाद र यहुदी विरोधी भएको आरोप लगाइन्थ्यो र उनले यहुदी नरसंहारलाई इतिहासको विवरणका रूपमा खारेज गरेको कुरा कुख्यात छ । 

उनकी छोरी मरिन ले पेनले सन् २०११ मा पार्टीको नेतृत्व सम्हाले र आफ्नो आन्दोलनलाई उनको चरमपन्थी प्रतिष्ठाबाट टाढा राख्ने प्रयासमा जीन–मारीलाई चार वर्षपछि पार्टीबाट निष्कासन गरे ।