सामग्री खोज्नुहोस्

एजेन्सी। सन् २०२३ अक्टुबर ७ देखि सुरु भएको इजरायल र प्यालेस्टाइनबीचको युद्दमा परी हाल सम्म २१७ जना संचारकर्मीको मृत्यु भएको छ।

युद्दको रेपोर्टिङ्ग गर्नेक्रममा अल जजिराका ४ जना पत्रकारले समेत ज्यान गुमाएको अल्जजिराले जनाएको छ। उसका अनुसार समेर अबुदक्वा, हाम्जा अल दाहदाउद, स्माइल अल गोउल र अहमेद अल लाओको मृत्यु भएको हो।

अन्तराष्ट्रिय संचार माध्यमहरुले प्रकाशन/प्रशारण गरेका रिपोर्ट अनुसार हाल सम्म युद्दमा परी ४५ हजार भन्दा बढी मानिसले ज्यान गुमाएका छन्।

अल जजिराको प्रशारणमा रोक
प्यालेस्टाइनले इजरायलको पक्षमा संचार सामाग्री प्रकाशन/प्रशारण गरेको भन्दै अल जजिराको प्रशारणमा रोक लगाएको छ। प्यालेस्टाइनमा धेरै हेरिने अलजजिराको अग्रेजी र अरबी भाषाको प्रशारणमा यसअघिनै रोक लगाइएको थियो।

दोश्रो पटक अलजजिराको रमलाह कार्यालयमा प्यालेस्टानि सुरक्षाकर्मी प्रवेश गरेर प्रशारण रोक्न निर्देशन दिएको बिबिसीले समाचारमा उल्लेख गरेको छ। यसअघि सुरक्षाकर्मीहरुले अलजजिराको कार्यालयमा छापा समेत मारेको समाचारमा जनाइएको छ।

प्यालेस्टाइनको उक्त कदमलाइ अलजजिराले पत्रकारिता बिरुद्दको अपराध भनेको छ। संचार माध्यमको प्रशारणमा रोक लगाउने प्यालेस्टाइनको कदम बिरुद्द प्यालेस्टाइनकै पत्रकारहरुले आवाज उठाइरहेको अलजजिराले जनाएको छ।

यस्तै, अन्तराष्ट्रिय प्रेस एसोसिएसनले प्यालेस्टाइनको कदमप्रति गम्भीर चिन्ता ब्यक्त गर्दै त्यस क्षेत्रको प्रेस स्वतन्त्रता र लोकतान्त्रिक मूल्यमान्यतामाथि गम्भीर प्रश्न खडा भएको प्रतिक्रिया दिएको छ।