सामग्री खोज्नुहोस्

टोकियो । जापानको औसत तापक्रमको रेकर्ड लगातार दोस्रो वर्ष उच्च हुने देखिएको छ ।​ 

जापानको मौसम विज्ञानले जारी गरेको प्रारम्भिक तथ्याङ्कअनुसार नोभेम्बर महिनाको औसत तापक्रम सन् २०२० सम्मको ३० वर्षको अवधिको वार्षिक औसतभन्दा १.६४ डिग्री सेल्सियस बढी रहेको छ ।

देशको मौसम एजेन्सीले सन् १८९८ मा तथ्याङ्क जारी गर्न थालेदेखि रेकर्ड गरिएको औसत तापक्रम यताकै उच्च स्तरमा पुगेको छ ।

‘तापमान असामान्य रूपमा उच्च थियो भनेर भन्न सकिन्छ’, जापान मौसम विज्ञान एजेन्सी (जेएमए) अधिकारीले भने ।

एजेन्सीका अनुसार, उच्च तापक्रम पश्चिमी वायुले ल्याएको तातो हावाका कारण भएको हो ।

प्रतिवेदनले जापानको तापक्रम हालैका वर्षहरूमा बढ्दै गएको र सन् २०१९ तथा सन् २०२३ बीचको पाँच वर्ष शीर्ष पाँच सबैभन्दा तातो वर्ष रहेको बताएको छ ।

जापान वरपरका समुद्रहरूको औसत सतहको तापक्रम पनि नोभेम्बरको अन्त्यसम्ममा वार्षिक औसतभन्दा १.४६ डिग्री सेल्सियस बढी थियो ।