Kyodai News

एजेन्सी । भारतको पन्जाब राज्यमा बस दुर्घटना हुँदा कम्तीमा आठ जनाको मृत्यु भएको छ । दुई दर्जनभन्दा बढी घाइते भएका छन् ।

दुर्घटना पञ्जाबको भटिँडा जिल्लाको जीवन सिंह वाला गाउँ नजिक भएको हो ।

दुर्घटनाको लगत्तै स्थानीय बासिन्दा घाइतेहरूलाई मद्दत गर्न घटनास्थलमा पुगे र प्रहरीलाई खबर गरे । प्रहरीले उद्धार कार्यमा आफ्नो टोली र विपद् व्यवस्थापन बलका कर्मचारीहरू पठाए ।

‘आजको दुर्घटनामा एक दुई वर्षीया बालिकासहित आठ जनाको मृत्यु भएको छ’, भटिँडाका एक वरिष्ठ सरकारी अधिकारी शौकत अहमद परेले भने, ‘तलबन्दी अस्पतालमा पाँच जनाको र अन्य तीन जनाको सिभिल अस्पताल भटिँडामा मृत्यु भएको पुष्टि भएको छ ।’

तीव्र गतिमा गुडेको बसका चालकले नियन्त्रण गुमाएपछि पुलबाट नालीमा खसेको हो ।