सामग्री खोज्नुहोस्

एजेन्सी । विश्वभरि भोकमरी र अन्य कठिनाइ झेल्ने मानिसहरूको संख्या बढ्दै गइरहेको छ । तर, धनी राष्ट्रहरूले सहायता स्वरूप दिने रकम घट्दो क्रममा छ।  

संयुक्त राष्ट्रसंघका अनुसार सन् २०२५ मा ३० करोड ७ लाख मानिसलाई मानवीय सहायता आवश्यक पर्ने अनुमान गरिएको छ।

तर, उनीहरूमध्ये केवल ६० प्रतिशतलाई मात्रै सहायता पुग्न सक्नेछ। यसको अर्थ करिब ११ करोड ७० लाख मानिसले आवश्यक खाना वा अन्य सहयोग पाउने छैनन्।  

सन् २०२४ को अन्त्यसम्म संयुक्त राष्ट्रसंघले विश्वव्यापी मानवीय सहायता लागि माग गरिएको ४९.६ अर्ब डलरमध्ये केवल ४६ प्रतिशत रकम मात्र जुटाउन सकेको छ। यो लगातार दोस्रो वर्ष हो, जब सहायता रकम आधाभन्दा कम जुटाइएको रोयटर्सले जनाएको छ ।

यस अभावका कारण मानवीय सहायता संस्थाहरूले कठिन निर्णय लिन बाध्य भएका छन्। भोकमरी पीडितका लागि दिनुपर्ने रासन घटाउने र सहायता पाउने व्यक्तिको संख्या कटौती गर्ने कदम उठाउनुपरेको छ।