सामग्री खोज्नुहोस्

अमेरिका । विश्वभर लोकप्रिय बनिरहेको टिक टकलाइ प्रतिबन्ध लगाउने कानूनलाइ अस्थायी रुपमा रोक लगाउन माग गर्दै टिकटकले अमेरिकाको सर्बोच्च अदालतमा मुद्दा दायर गरेको छ।

अमेरिकामा अर्को महिना देखि टिक टक प्रतिबन्धको कानून लागु हुन लागिरहेको छ। उक्त एप्स आफुलाई बिक्रि गर्नुपर्ने अमेरिकाको मागलाइ टिकटकले अस्विकार गरेपछि अर्को महिनाको १९ तारिख देखि प्रतिबन्धको कानून लागु गर्ने अमेरिकी तयारी छ।

अमेरिकाको संघिय अदालतले टिकटकलाइ प्रतिबन्ध लगाउने कानून संबैधानिक भएको फैसला गरेपछि त्यसका बिरुद्द टिकटकले सर्बोच्च अदालतमा मुद्दा दायर गरेको बिबिसीले जनाएको छ।

अमेरिकाले उक्त कानून लागु हुनुपूर्वनै टिकटक आफुलाई बिक्रि गर्नुपर्ने, अन्यथा टिकटकलाइ कानूनी रुपमै प्रतिबन्ध लगाउने बताउदै आएको छ।

यसबीच अर्को महिना ह्वाइट हाउस प्रवेश गर्ने तयारीमा रहेका नवनिर्वाचित राष्ट्रपति डोनाल्ट ट्रम्पसंग टिकटकका सीइओ शोउ जी च्युले भेटघाट गरेका छन्।

अमेरिकी संचार माध्यमहरुका अनुसार सोमबार उनीहरुबीच टिकटक प्रतिबन्धका बिषयमा कुराकानी भएको थियो। यसबारे ट्रम्पले सोमबारको पत्रकार सम्मेलनमा ‘बिचार’ गर्ने प्रतिक्रिया दिएको अन्तराष्ट्रिय संचार माध्यमहरुले जनाएका छन्।