सामग्री खोज्नुहोस्

काठमाडौं । नेपाल प्रिमियर लिग (एनपीएल)मा विराटनगर किंग्सले रोमाञ्चक जीत हात पारेको छ।

कीर्तिपुरस्थित त्रिवि क्रिकेट मैदानमा १९२ रनको लक्ष्य पच्छ्याएको विराटनगरले लुम्बिनी लायन्सविरुद्ध २ विकेटको रोमाञ्चक जीत निकालेको हो।

यस अघिका २ खेलमा विराटनगर पराजित भएको थियो ।

अन्तिम ओभरको शुरूवाती पाँच बलमा १७ जोड्दै विराटनगरले अन्तिम एक बल बाँकी छँदा विजयी बन्यो ।

तीन बलमा दुई चौका र १ छक्कासहित १४ रन बनाएर क्रिस सोलले विराटनगरलाई जिताउन सफल भएका थिए ।

अन्तिम ओभरमा १६ रन आवश्यक रहेको बेला सोलले १ बल बाँकी छँदै टिमलाई उनले जीत दिलाए ।

विराटनगरको जीतमा ओपनर ब्याट्सम्यान लोकेश बमको महत्त्वपूर्ण भूमिका रह्यो । ३ चौका र ६ छक्काको मद्दतले बमले ४७ बलमा ७१ रन बनाए । ​

रयामन सिमोन्डसको बलमा छक्का हान्ने प्रयासमा बमले सन्दीप जोराको हातमा क्याच थमाएका हुन् ।

न्युजिल्यान्डका ब्याट्सम्यान मार्टिन गप्टिलले १७ बलमा २८ रन र बसिर अहमदले २४ बलमा ४० रन बनाएका थिए ।

उता लुम्बिनीका लागि कप्तान रोहित पौडेलले २९ बलमा ४६ रन , टम मुर्सले १७ बलमा ३० रन, सन्दीप जोराले १३ बलमा १२ रन , साद बिन जाफरले १३ बलमा १५ रन बनाएका थिए ।

विवेक यादव ७ बलमा १९ रन र रयामन सिमोन्डस २ रनमा नट आउट रहे । लुम्बिनीले २० ओभरमा ७ विकेटको क्षतिमा १९१ रन बनाएका थिए ।

दुर्गेश गुप्ताले ३, सिमोंड्सल र जाफरले समान २/२ विकेट लिएका थिए ।