सामग्री खोज्नुहोस्

एजेन्सी । स्पेनको दक्षिणी भागमा प्रहरीले १.२ टन चरेस बरामद गरेको छ । 

लागुऔषध ओसारपसारमा संलग्न भएको आरोपमा सात जना बेलायतीलाई पक्राउ गरिएको स्पेन सरकारले शनिबार जनाएको छ ।

‘बेलायतको नेशनल क्राइम एजेन्सीसँग काम गर्ने राष्ट्रिय प्रहरीले मार्बेला र एल्चेमा सामान बोक्ने गाडीमा लागूऔषध ओसारपसार गरेको आशङ्कामा चेक गर्दा उक्त चरेस फेला परेको हो’, गृह मन्त्रालयले भनेको छ।

अधिकारीहरूले एक  हजार २०० किलोग्राम चरेस बरामद गरेका छन् ।

‘घटनामा संलग्न रहेको आरोपमा सात जना बेलायती नागरिकलाई हिरासतमा लिइएको छ’, विज्ञप्तिमा भनिएको छ।

बेलायती प्रवासीहरूको ठूलो जनसङ्ख्या रहेको मार्बेलास्थित फुएनगिरोलाको पर्यटक रिसोर्ट र दक्षिणपूर्वी शहर एल्चेमा उक्त चरेस पक्राउ परेको हो । 

चरेसको केही मात्रा बालुवाले भरिएको प्लास्टिकका ठूला कन्टेनरमा लुकाइएको अवस्थामा भेटिएको मन्त्रालयले जनाएको छ ।

प्रहरीले उक्त क्षेत्रबाट ६३ हजार युरोभन्दा बढी नगद, पाँच जना यात्रुवाहक र एउटा ठूलो लरी समेत बरामद गरेको छ ।