Kyodai News

एजेन्सी । पाकिस्तानी सेनाले देशभरि गरेको छुट्टाछुट्टै कारबाहीमा सात जना आतङ्ककारीको मृत्यु भएको छ । अन्य तीन जना घाइते भएका छन् ।

पाकिस्तानी सेनाको मिडिया शाखा इन्टर–सर्भिसेस पब्लिक रिलेसन (आईएसपीआर)ले उक्त घटना उत्तरी बजिरिस्तान आदिवासी जिल्लामा भएको बताएको छ । यहाँ सेनाद्वारा गरिएको अपरेसनमा एक आतङ्कवादी मारिएका थिए ।

दोस्रो घटना छिमेकी दक्षिण बजिरिस्तान जिल्लामा भएको थियो । यहाँ सेनाले पाकिस्तान–अफगानिस्तान सीमाबाट घुसपैठ गर्न खोजिरहेका आतङ्कवादीहरूलाई रोकेको थियो ।

यस घटनापछि गोलीबारी शुरू हुँदा पाँच आतङ्ककारी मारिएका र अन्य तीन घाइते भएका थिए ।