सामग्री खोज्नुहोस्

एजेन्सी । एक अर्धसैनिक कमान्डर सेनामा भागेपछि आइतबारदेखि अल–जजिरा राज्यमा भएको झडपमा ५० भन्दा बढी मानिसको मृत्यु भएको मध्य सुडानका स्थानीय कार्यकर्ताहरूले बताएका छन् ।

राज्यको राजधानी वाद मदानीमा एक मस्जिदमा भएको सैन्य हवाई आक्रमणमा ३१ जनाको मृत्यु भएको युद्धग्रस्त देशभर सहायता समन्वय गर्ने सयौं स्वयंसेवी समूहमध्ये एक स्थानीय प्रतिरोध समितिले मङ्गलबार बताएको छ ।

समितिले सेनामाथि ‘ब्यारल बम’ प्रयोग गरेको आरोप लगाउँदै उद्धारकर्ताहरूले ‘दर्जनौं जलेका र विकृत शरीरहरू’ को अवशेष खोज्दै गर्दा मृतकहरूमध्ये आधाभन्दा बढीको पहिचान हुन नसकेको बतायो ।

राज्यको युद्धग्रस्त पूर्वी भागमा कार्यकर्ताहरूले आइतबारदेखि अर्धसैनिक आक्रमणमा कम्तीमा २० जनाको मृत्यु भएको बताएका छन् ।

सन् २०२३ अप्रिलदेखि सुडानी सशस्त्र बल र अर्धसैनिक र्‍यापिड सपोर्ट फोर्स (आरएसएफ) बीच युद्ध चलिरहेको छ ।

युद्धमा हजारौं मानिसको मृत्यु भएको छ र विश्वकै सबैभन्दा ठूलो विस्थापन र मानवीय सङ्कट सिर्जना भएको छ ।