सामग्री खोज्नुहोस्

टोकियो । १४ औं नेपाल फेस्टिवल-२०२४ का लागि स्वयम् सेवकका रूपमा काम गर्न इच्छुक व्यक्तिहरूका लागि आवेदन खुलाइएको छ।

यो फेस्टिवल गैर आवासीय नेपाली संघ (एनआरएनए) राष्ट्रिय समन्वय परिषद् जापान, जापानका लागि नेपाली राजदूतावास टोकियो र नेपाल आदिवासी जनजाति महासंघ जापानको संयुक्त आयोजनामा २०२४ नोभेम्बर ३० र डिसेम्बर १ तारिखमा टोकियोको नाकानो सिकिनोमोरी पार्कमा आयोजना हुनेछ।​

फेस्टिवलको मुख्य उद्देश्य नेपाल र नेपालीको पहिचान कायम गर्दै नेपालको कला, संस्कृति, रीतिरिवाजको प्रवर्द्धन गर्नु हो।

यसका साथै, नेपालको पर्यटन प्रवर्द्धन र नेपाल हाउस निर्माणार्थ सहयोग जुटाउने महत्त्वपूर्ण उद्देश्य रहेको छ।

स्वयम् सेवकका रूपमा काम गर्न इच्छुक नेपाली संघ संस्थाका प्रतिनिधिहरू, नेपाली दाजुभाइ तथा दिदीबहिनीहरूले आयोजक समितिले तोकिएका नियमहरू पालना गर्दै, आगामी नोभेम्बर १५ भित्र गुगल फारम मार्फत आवेदन दिन सकिनेछ।

साथै थप जानकारीका लागि सदस्य सचिव किरण गौतम (07042011194) लाई सम्पर्क गर्न समेत सकिने छ ।

आवेदन गर्नका लागि तलको क्यूआर कोड वा लिङ्कमार्फत गर्न सकिने आयोजकले जनाएको छ ।