सामग्री खोज्नुहोस्

एजेन्सी । म्यान्मारको दक्षिणी तटमा अन्डमान सागरमा करिब ३० जना बोकेको डुङ्गा डुब्दा ११ जनाको मृत्यु भएको छ । अन्य १९ जना बेपत्ता भएका छन् ।​​

दक्षिणी तानिन्थारी क्षेत्रको क्याउक कर गाउँका एकजना भिक्षुले नाम नबताउने सर्तमा  भने ‘हामीले आइतबार राति १० वटा र सोमबार बिहान एउटा शवलाई पानीबाट बाहिर निकालेका छौं।’

भिक्षुका अनुसार डुङ्गामा अधिकांश विद्यार्थीहरू थिए उनीहरू दुई हप्ताको बिदापछि गाउँबाट म्येइक शहर फर्किरहेका थिए ।

डुङ्गा अत्यधिक भारमा कारण डुबेको जनाइएको छ । स्थानीयहरूले मृत शरीरको पहिचान गरी दाहसंस्कार गरिसकेका छन् भने स्थानीय तथा उद्धार टोलीहरूले बेपत्ता व्यक्तिहरूको खोजी गरिरहेका छन् ।​

म्यान्मारमा समुद्र तट र नदीहरूमा डुङ्गालाई आवतजावतका लागि यातायातको साधनको रूपमा प्रयोग गर्ने गरिन्छ ।

डुङ्गा दुर्घटनाका कारण म्यान्मारमा असामयिक मृत्यु हुने जोखिम पछिल्लो समय बढेको देखिन्छ ।

समुद्रमा हुने यस्ता दुर्घटनामा पर्नेहरूको बिरलै रूपमा सकुशल उद्धार हुने गरेको छ ।