सामग्री खोज्नुहोस्

टोकियो । जापानका प्रधानमन्त्री शिगेरु इशिबाले आगामी अक्टोबर २७ मा तोकिएको मध्यावधि निर्वाचनको लागि संसद् विघटन गर्ने तयारी गरेका छन्।

प्रधानमन्त्री बनेको एक हप्तामै इशिबाले आफ्नो दललाई बलियो बनाउन र विपक्षीलाई कमजोर पार्न यस्तो कदम चालेका विश्लेषण भइरहेको छ ।​

​इशिबा नेतृत्वको लिबरल डेमोक्रेटिक पार्टी (एलडीपी)ले जापानमा दशकौंदेखि झन्डै अविच्छिन्न रूपमा शासन गर्दै आएको छ, र पुनः चुनाव जित्ने लगभग निश्चित देखिन्छ।

तर इशिबा आफ्नो लोकप्रियतालाई उपयोग गरी देशको रक्षा बजेट वृद्धि र जनसंख्यागत संकटले प्रभावित गरिब क्षेत्रहरूमा खर्च विस्तार गर्ने नीतिहरू अघि बढाउन चाहन्छन्।

इशिबालाई एलडीपीको परम्परागत नेतृत्वको आलोचक र रक्षा मामिलामा गहिरो रुचि राख्ने नेता मानिन्छ।

टोकियो विश्वविद्यालयका राजनीतिक विज्ञानका प्राध्यापक यु उचियामाले ६७ वर्षीय इशिबा आफ्नो ‘हनिमुन’ अवधि समाप्त हुनु अगाडि पार्टीको परीक्षण गर्न संसद् विघटन गर्न चाहेको बताए ।