सामग्री खोज्नुहोस्

टोकियो। जापानको सत्तारुढ दल लिबरल डेमोक्र्याटिक पार्टीको नयाँ सभापतिका लागि आज भएको निर्वाचनमा सिगेरु इशिबा निर्वाचित भएका छन्। यो संगै उनलाई जापानको प्रधानमन्त्री बन्ने बाटो खुल्ला भएको छ।

जापानमा सत्तारुढ दलको सभापतिले देशको नेतृत्व गर्ने परम्परा अनुसार दलको सभापतिका लागि निर्वाचन भएको थियो। उक्त निर्वाचनमा २१५ मत प्राप्त गर्दै इशिबा निर्वाचित भएका हुन्।

यसअघि सभापतिका लागि भएको निर्वाचनमा ९ जनाले भाग लिएता पनि कसैको पनि ५० प्रतिशत कटाउन नसकेपछि पहिलो र दोश्रो भएकाहरुबीच पुनः निर्वाचन भएको थियो।

अघिल्लो निर्वाचनमा १८१ मत प्राप्त गर्दै पहिलो स्थान हासिल गरेकी ताकाइची सानेलाइ दोश्रो पटकको निर्वाचनमा पराजित गर्दै प्रधानमन्त्रीको बाटो किलियर गरेका हुन्। आज भएको निर्वाचनमा ताकाइचीले १९४ मत मात्रै प्राप्त गरेकी थिइन्।