सामग्री खोज्नुहोस्

एजेन्सी । इजरायलले एउटा विद्यालय–आश्रयस्थमा गरेको आक्रमणमा कम्तीमा सात जनाको मृत्यु भएको छ ।​

गाजाका नागरिक सुरक्षा उद्धारकर्ताहरू बताएअनुसार इजरायली सेनाले हमास कमान्ड केन्द्रलाई लक्षित गरेको हो ।

अक्टोबर ७ मा हमासले इजरायलमाथि गरेको आक्रमणबाट युद्ध शुरू भएपछि घेराबन्दीमा परेको गाजा पट्टीका २४ लाख जनसङ्ख्याको ठूलो हिस्सा कम्तीमा एक पटक विस्थापित भएको छ र तीमध्ये धेरैले विद्यालय भवनहरूमा आश्रय लिएका समाचार संस्था सिन्ह्वाले जनाएको छ ।

‘उत्तरी गाजाको जबालिया शिविरमा रहेको अल–फलुजा विद्यालयलाई लक्षित गरी भएको इजरायली मिसाइल आक्रमणमा बालबालिकासहित सात जना सहिद भए भने धेरै घाइते भएका छन्’, नागरिक सुरक्षा निकायका प्रवक्ता महमुद बस्सलले भने । 

इजरायली सेनाले अल–फलुजा विद्यालयमा रहेको कमान्ड–एन्ड कन्ट्रोल केन्द्रभित्र सक्रिय हमास लडाकूहरूलाई लक्षित गरी ‘सटिक आक्रमण’ गरेको बतायो ।

सैन्य विज्ञप्तिमा हताहतीका बारेमा कुनै जानकारी दिइएको थिएन ।