Kyodai News

एजेन्सी । चीनको दक्षिणी शहर सेनजेनमा रहेको एक जापानी विद्यालयमा अध्ययनरत १० वर्षीय विद्यार्थीको छुरा प्रहारबाट मृत्यु भएको छ।

उक्त घटना विद्यार्थी विद्यालय जाँदै गर्दा भएको चीनस्थित जापानी दूतावासले जनाएको छ।

यसअघि जुन २४ मा पनि सोही प्रकारको आक्रमण भएको थियो ।

जसमा चीनको जिआङ्सु प्रान्तको सुझाउमा एक व्यक्तिले जापानी विद्यालयको बसमा आक्रमण गर्दा एक चिनियाँ महिलाको मृत्यु भएको थियो । अन्य दुई जना घाइते भएका थिए।

चीनको विदेश मन्त्रालयका प्रवक्ता लिन जियानका अनुसार उक्त विद्यार्थीमाथि विद्यालयको गेटबाट करिब २०० मिटर टाढा एक व्यक्तिले आक्रमण गरेका थिए ।

घाइतेलाई तत्कालै अस्पतालमा लगिए पनि उपचारका क्रममा मृत्यु भएको जापान टाइम्सले जनाएको छ ।