सामग्री खोज्नुहोस्

एजेन्सी । बङ्गलादेशमा विगत केही दिनदेखि लोडसेडिङका कारण जनजीवन प्रभावित बनेको छ ।

डलरको सङ्कटका कारण इन्धन आपूर्ति हुन नसक्दा विद्युत् गृहमा उत्पादन घटेको अधिकारीहरूले बताएका छन् ।

यसका साथै इन्धन आयातमा निर्भरताका कारण सरकारले निजी ऊर्जा कम्पनीहरूको बक्यौता पनि बढाइरहेको छ । जसका कारण मागअनुसार विद्युत् उत्पादन हुन सकिरहेको छैन ।

ऊर्जा विज्ञहरूले शेख हसिनाको सरकारले छोडेको आर्थिक विनाशले सम्पूर्ण विद्युत उद्योगलाई गम्भीर सङ्कटमा पारेको बताएका छन्।

अहिलेको अवस्थामा अन्तरिम सरकारले यस शीर्षकमा प्राथमिकताका आधारमा रकम विनियोजन गर्नुपर्ने छ ।

पूर्ण भुक्तानी सम्भव नभए पनि निर्वाध विद्युत् आपूर्ति कायम गर्न आवश्यक रकम विनियोजन गर्नुपर्नेछ ।

ऊर्जा तथा ऊर्जा सल्लाहकार मोहम्मद फुजुल कबिर खानले सङ्कट समाधानका लागि समयमै कदम चालिएको बताए ।