सामग्री खोज्नुहोस्

टोकियो । जापानमा सत्तारूढ लिबरल डेमोक्रेटिक पार्टी (एलडीपी)को अध्यक्षका उम्मेदवारको रूपमा प्रतिस्पर्धा गरिरहेका नौ उम्मेदवारहरूले पार्टी र देशको भविष्यप्रति आफ्नो दृष्टिकोण प्रस्तुत गरेका छन् । साथै उनीहरूले पहिलो संयुक्त पत्रकार सम्मेलनमा आफ्नो नीतिगत धारणा राखेका छन्।

जापानले घट्दो जन्मदर, वृद्ध हुँदै गएको समाज, मन्द आर्थिक वृद्धि, बढ्दो उपभोक्ता मूल्य र खराब हुँदै गएको सुरक्षा वातावरणजस्ता थुप्रै चुनौतीहरूको सामना गरिरहेको  छ । 

सोही अवस्थामा शुक्रबारको छलफलमा दुई प्रमुख विषय राजनीतिक सुधार र आर्थिक वृद्धिले स्थान पाएका जापान टाइम्सले जनाएको छ ।​

एलडीपी आफ्नो ७० वर्षको इतिहासको एक महत्त्वपूर्ण मोडमा उभिएको छ।

गत वर्षको अन्त्यदेखि पार्टीले ८० भन्दा बढी सांसदहरू र प्रायः सबै राजनीतिक गुटहरूलाई संलग्न गरेको राजनीतिक कोष काण्डबाट धक्का खाएको छ ।

जसका कारण जनतामा बढ्दो अविश्वास देखा परेको छ।