सामग्री खोज्नुहोस्

टोकियो । जापानको होक्काइडो शहर ​बस्नका लागि सबैभन्दा उत्तम शहर रूपमा परिचित बनेको छ ।

जापानको होक्काइडोको केन्द्रीय भागमा रहेको सानो शहर हिगासिकावाको जनसंख्या ८ हजार मात्र छ । जुन बस्नका लागि सबैभन्दा सहज नगरपालिकाको रूपमा पहिलो स्थानमा पुगेको छ।

प्रमुख भाडा आवास अपरेटर डाइटो ट्रस्ट कन्स्ट्रक्सनद्वारा गरिएको सर्वेक्षणअनुसार यो शहरको मैत्रीपूर्ण वातावरण र सुरक्षाको कारण यसले पहिलो स्थान हासिल गरेको हो। ​​

डाइटो ट्रस्ट कन्स्ट्रक्सनले अगष्टमा सार्वजनिक गरेको अनलाइन सर्वेक्षणअनुसार, हिगासिकावा शहर, जुन असाहिकावा शहरसँगै रहेको छ ।

गत वर्षको दशौं स्थानबाट शीर्ष स्थानमा उक्लिएको जापान टाइम्सले जनाएको छ ।

सर्वेक्षणमा टोकियोको चुओ वार्ड दोस्रो स्थानमा रह्यो भने तेस्रो स्थानमा ह्योगो प्रिफेक्चरको असिया, चौथोमा टोकियोको बुनक्यो वार्ड र पाँचौंमा आइची प्रिफेक्चरको नागाकुटे रहेका छन्।