सामग्री खोज्नुहोस्

एजेन्सी । भारतको लखनउस्थित यातायात नगर क्षेत्रमा रहेको एक भवन भत्किँदा चार जनाको मृत्यु भएको छ । अन्य २८ जनालाई उद्धार गरिएको छ। 

लखनउका जिल्ला मजिस्ट्रेट सूर्यपाल गङ्गवारले चार जनाको मृत्यु भएको पुष्टि गरे । 

‘हालसम्म २८ जनाको उद्धार गरिएको छ । राष्ट्रिय प्रकोप प्रतिकार्य बल (एनडीआरएफ), राज्य विपद् प्रतिक्रिया कोष (एसडीआरएफ), अग्नी नियन्त्रक र प्रहरीले घटनास्थलमा उद्धार कार्य गरिरहेका छन्’, लखनउ नगरपालिका आयुक्त इन्द्रजित सिंहले भने ।

प्रमुख अग्नि नियन्त्रक अधिकृत (सीएफओ) मङ्गेश कुमारले भत्किएको भवनमा अझै धेरै मानिस फसेको आशङ्का गरिएको बताए ।

‘अझै धेरै मानिसहरू फसेको भनिएको छ । फसेकाहरूको यकिन सङ्ख्या थाहा हुन सकेको छैन’, कुमारले भने ।

अलपत्र परेकाहरूको उद्धार कार्य जारी रहेको छ ।

दमकल विभाग, एनडीआरएफ र एसडीआरएफ टोली घटनास्थलमा छन् ।

घाइतेहरूलाई अस्पताल पठाउने काम भइरहेको छ । थप विवरणहरू आउन बाँकी छन् ।