सामग्री खोज्नुहोस्

एजेन्सी । गाजा शहरको समुद्री तटमा एक भेलामा इजरायली हवाई आक्रमणमा हुँदा कम्तीमा ७ प्यालेस्टिनीको मृत्यु भएको छ । 

प्यालेस्टिनी सुरक्षा र चिकित्सा स्रोतहरूले बताएअनुसार इजरायली ड्रोनले प्यालेस्टिनीहरूको भेलालाई निशाना बनाउँदा ७ जनाको मृत्यु भएको हो ।

अन्य दर्जनौं घाइते भएको स्रोतहरूलाई उद्धृत गर्दै सिन्ह्वाले जनाएको छ । इजरायली सेनाले कथित आक्रमणबारे कुनै टिप्पणी गरेको छैन ।

सन् २०२३ अक्टोबर ७ मा प्यालेस्टिन–इजरायली द्वन्द्व सुरु भएदेखि पछिल्लो २४ घण्टामा इजरायली सेनाबाट ३० जनाको मृत्यु भएको र अन्य ६६ जना घाइते भएका छन् ।

यसबाट कुल मृत्यु हुनेको सङ्ख्या ४० हजार चार सय ३५ पुगेको र ९३ हजार पाँच सय ३४ घाइते भएका छन् ।

मृत्यु हुनेको सङ्ख्या बढ्दै जाँदा गाजा पट्टीका प्यालेस्टिनीहरूले बढ्दो गम्भीर मानवीय सङ्कटको सामना गरिरहेका छन् ।