सामग्री खोज्नुहोस्

एजेन्सी । मालीको उत्तरी क्षेत्रमा आइतबार भएको ड्रोन आक्रमणमा बालबालिकासहित कम्तीमा १५ सर्वसाधारणको मृत्यु भएको छ ।

उक्त क्षेत्रमा सेना र उसका रुसी सहयोगीहरूले पृथकतावादी र जिहादीहरूसँग लडिरहेका छन् ।

पृथकतावादीहरूले अल्जेरिया नजिकै तिन्जाउओटेनमा आक्रमणका लागि ‘मालियन जुन्ताको सेना र वाग्नर समूहका रुसी भाडाका सेनालाई’ दोष दिएका छन् ।

उक्त आक्रमणमा ११ बालबालिकासहित २१ सर्वसाधारणको मृत्यु भएको छ । ​

पृथकतावादीका प्रवक्ता मोहम्मद एलमाउलउद रमादानले भने,’यिनीहरूले शुरूमा एक फार्मेसीलाई निशाना बनाए, त्यसपछि अर्को आक्रमण गरे जसमा पहिलाको क्षति भएको स्थान नजिकै मानव भीडलाई निशाना बनाए ।’

एक स्थानीय राजनीतिज्ञले आक्रमणमा कम्तीमा १५ जना मारिएको बताए ।

यसैबीच स्थानीय एक गैरसरकारी संस्थाका अधिकारीले आइतबारको ड्रोन आक्रमणमा ‘बालबालिकासहित कम्तीमा २० सर्वसाधारण’ को मृत्यु भएको बताए ।