Kyodai News

एजेन्सी । अफगानिस्तानमा बाढीका कारण १० जनाको मृत्यु भएको छ ।

देशको राष्ट्रिय विपद् प्राधिकरणले जनाएअनुसार पछिल्लो केही दिनयताको आकस्मिक बाढीमा परेर अन्य आठ जना घाइते भएका छन् ।

प्राधिकरणका प्रवक्ता मुल्लाह जनान स्याकले बाढीले निम्त्याएको प्राकृतिक प्रकोपका कारण १०० वटा आवासीय घरहरू पूर्ण वा आंशिक रूपमा क्षति भएको बताए । साथै खेतीबालीमा समेत क्षति पुगेको सिन्ह्वाले जनाएको छ ।

प्रान्तीय सरकारले सबै प्रान्तीय अधिकारीहरूलाई बाढी प्रभावितलाई तत्काल उद्धार गरी आवश्यक प्रक्रिया अघि बढाउन आदेश दिएका छन् ।

यो वर्षको मे महिनापछि अफगानिस्तानमा वर्षाजन्य विभिन्न दुर्घटनाहरूमा करिब ४०० जनाको मृत्यु भएको छ ।