सामग्री खोज्नुहोस्

एजेन्सी । गाजाको एक विद्यालयमा इजरायली आक्रमण हुदाँ कम्तीमा १२ जनाको मृत्यु भएको छ ।

गाजाको नागरिक सुरक्षा विभागले मङ्गलबार आश्रय शिविरको रूपमा प्रयोग भइरहेको विद्यालयमा आक्रमण भएको बताएको छ ।

तर इजरायली सेनाले भने हामासको कमाण्ड सेन्टरमा आक्रमण गरेको दाबी गरेको छ ।

‘हाम्रो टोलीले गाजा शहरको पश्चिममा इजरायली सेनाले बम प्रहार गरेको मुस्तफा हाफिज विद्यालयबाट १ जनाको शव फेला पारेका छौं’, विभागका प्रवक्ता महमुद बस्सालले बताए ।

गाजापट्टीमा जारी इजरायल–हमास युद्धकाबीच हजारौं विस्थापित प्यालेस्टिनी नागरिकले विद्यालयमा शरण लिइरहेको उनले बताए ।

इजरायली सेनाले भने हमासले विद्यालयलाई ‘कमाण्ड–एन्ड–कन्ट्रोल’को रूपमा प्रयोग गरिरहेको र कमाण्ड सेन्टर लक्षित आक्रमण गरेको बताएको छ ।

‘हमास लडाकु समूहले इजरायली सेना र इजरायल राज्यमाथि आक्रमणको योजना बनाउन र कार्यान्वयन गर्न विद्यालयलाई कमाण्ड–एन्ड–कन्ट्रोल सेन्टरको रुपमा प्रयोग गरिरहेका थिए’, सेनाले विज्ञप्तिमार्फत जानकारी दिएको छ ।