सामग्री खोज्नुहोस्

टोकियो । गैरआवासीय नेपाली संघ, राष्ट्रिय समन्वय परिषद् जापानले जापानमा रहेका नयाँ पुस्तासँग अन्तरक्रिया गरी तीज विशेष कार्यक्रम गर्ने भएको छ ।​​

अगष्ट ३१ तारिख (भदौ १५) मा श्रीमद् भागवत कथा बाचिका राधिका दासी र जापानमा रहेका नेपाली बालबालिका बीच अन्तरक्रिया कार्यक्रमको आयोजना गरिएको हो ।

सोही अवसरमा नेपालस्थित राधिका फाउन्डेसनमा रहेका अनाथ बालबालिकालाई दर खुवाउने योजनासमेत एनआरएनए जापानले जनाएको छ । 

भर्चुअल रूपमा हुने अन्तरक्रिया कार्यक्रममा दासीले तीजको सामाजिक, धार्मिक परम्परा, तीजको विशेषता महत्त्वबारे जापानमा हुर्किँर्दै गरेका नयाँ पुस्तालाई जानकारी गराउने बताइएको छ ।

कार्यक्रममा जापानमा रहेर कक्षा १ देखि १२ सम्म गाक्को पढ्दै गरेका बालबालिका समेत सहभागी हुने एनआरएनए जापानकी सचिव चन्द्राकुमारी केसीले जानकारी दिइन् । 

नयाँ पुस्तालाई नेपाली चाडपर्वका बारेमा ज्ञान होस् भन्ने उद्देश्यले कार्यक्रमको आयोजना गरिएको केसीको भनाइ छ ।