सामग्री खोज्नुहोस्

काठमाडौं । अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरोलगायतका विपदमा परी आजसम्म एक सय ४८ जनाको मृत्यु भएको छ । 

केन्द्रीय प्रहरी प्रवक्ता एवं प्रहरी नायब महानिरीक्षक दानबहादुर कार्कीका अनुसार बाढीपहिरोलगायतका विपदमा परी काठमाडौं उपत्यकामा तीन जना, कोशी प्रदेशमा २५ जना, मधेशमा छ, बागमतीमा २९, गण्डकीमा ४२, लुम्बिनीमा २५, कर्णालीमा आठ र सुदूरपश्चिममा १० जना गरी जम्मा एक सय ४८ जनाको मृत्यु भएको हो । 

उनका अनुसार काठमाडौं उपत्यकामा १० जना, कोशीमा ३७, मधेशमा १०, बागमतीमा १०, गण्डकीमा ३४, लुम्बिनीमा १०, कर्णालीमा ५१ र सुदूरपश्चिममा १४ जना गरी जम्मा एक सय ७६ जना घाइते भएका छन् ।

बाढीपहिराे  का कारण काठमाडौं उपत्यकामा २६ जना, कोशीमा ४९, बागमतीमा १२, गण्डकीमा १४, कर्णालीमा दुई र सुदूरपश्चिम प्रदेशमा पाँच जना गरी जम्मा एक सय आठ जनाको उद्धार गरिएको छ ।

साथै  कोशी प्रदेशमा दुई जना, बागमतीमा ४२, गण्डकीमा दुई र कर्णालीमा एक जना गरी ४७ जना बेपत्ता भएका छन् । उनीहरूको खोजी जारी रहेको प्रवक्ता कार्कीले जानकारी दिए ।

बाढीका कारण तीन सय ८३ घर डुबानमा परेका छन् ।