सामग्री खोज्नुहोस्

एजेन्सी । रुसी–अमेरिकी पत्रकारलाई मस्कोको एक अदालतले ८ वर्षको कारागार सजाय सुनाएको छ ।

रूसी सेनामाथि युक्रेनमा अपराध गरेको आरोप लगाउने पत्रकार मासा गेसनलाई सोमबार मस्कोको एक अदालतले उनको अनुपस्थितिमा उक्त सजाय सुनाएको हो ।

न्यु योर्करमा नियमितरूपमा योगदान गर्ने गेसनले रुसी सेनामाथि सन् २०२२ मार्चमा युक्रेनी शहर बुचामा नागरिकको हत्या गरेको आरोप लगाएपछि उनलाई गत वर्ष रुसमा वाञ्छित घोषणा गरिएको थियो ।

क्रेमलिनले उक्त आरोपलाई अस्वीकार गरेको छ ।

मस्को सिटी कोर्ट सर्भिसको विज्ञप्तिअनुसार अदालतले ‘रुसी सेनाको प्रयोगबारे जानीजानी गलत सूचना फैलाएको’ आरोपमा गेसनलाई ८ वर्षको कारागार सजाय सुनाएको हो ।

युक्रेनमा आफ्नो आक्रमण शुरू गरेलगत्तै रुसले द्वन्द्वका बारेमा स्वतन्त्र रिपोर्टिङलाई अवैध बनाएको थियो र आफ्ना सशस्त्र बलहरूको आलोचनालाई गैरकानूनी घोषणा गरेको थियो ।