सामग्री खोज्नुहोस्

एजेन्सी । इजरायली आक्रमणबाट गाजा पट्टीमा थप ३२ जनाको मृत्यु भएको छ ।

इजरायलको हमाससँगको नौ महिनादेखि जारी रहेको युद्धमा थप ३२ जनाको मृत्यु भएको हमास नियन्त्रित प्यालेस्टिनी क्षेत्रकोस्वास्थ्य मन्त्रालयले शुक्रबार जनाएको छ ।

युद्धविराम र बन्धक मुक्तिको सम्झौतामा पुग्ने दिशामा वार्ता जारी रहँदा तटीय क्षेत्रको उत्तरदेखि दक्षिणसम्म लडाइँ जारी छ ।

हमासका लडाकुले अक्टोबर ७ मा कम्तीमा एक हजार २०० जनाको ज्यान लिने गरीे दक्षिणी इजरायलमा गरेको अकल्पनीय आक्रमण र २०० भन्दा बढी बन्धक बनाएपछि जवाफमा इजरायलले गाजा क्षेत्रमा हमासविरूद्धको कारबाही शुरू गरेको थियो ।

गाजाको स्वास्थ्य मन्त्रालयले इजरायली सेनाद्वारा निरन्तर गरेको आक्रमणको पछिल्लो श्रृङ्खलामा ३२ जना प्यालेस्टिनीको मृत्यु भएको छ ।

मृतकमध्ये अधिकांश बालबालिका र महिला रहेका छन् ।