सामग्री खोज्नुहोस्

एजेन्सी । आईसीसी टी–२० विश्वकप क्रिकेट २०२४ को उपाधि भारतले जितेको छ ।

अफ्रिकालाई ७ रनले हराउँदै भारतले दोस्रोपटक विश्वकपको उपाधि जितेको हो । यसअघि भारतले सन् २००७ मा विश्वकप उपाधि जितेको थियो ।

१७७ रनको विजयी लक्ष्य पछ्याएको दक्षिण अफ्रिकाले २० ओभरमा ८ विकेट गुमाउदै १६९ रन मात्रै बनायो ।

दक्षिण अफ्रिका हेनरिक क्लासेनले २७ बलमा २ चौका र ५ छक्कासहित सर्वाधिक ५२ रन बनाए । तर हार टार्न सकेनन् ।

त्यसअघि टस जितेर पहिला ब्याटिङ गरेको भारतले २० ओभरमा ७ विकेट गुमाउँदै १७६ रन बनाएको थियो ।

ओपनर विराट कोहलीले ५९ बलमा ६ चौका र २ छक्कासहित सर्वाधिक ७६ रन बनाएका थिए । कोहलीले ४८ बलमा अर्धशतक पूरा गरेका थिए । अक्षर पटेल ३१ बलमा १ चौका र ४ छक्कासहित सर्वाधिक ४७ रन बनाए ।

चौथो विकेटलाई कोहली र अक्षर पटेलले ५४ बलमा ७२ रनको साझेदारी गरेका थिए । ओपनर रोहित शर्मा ९, ऋषभ पन्त शून्य, सूर्यकुमार यादव ३, शिबम दुबे १६ बलमा ३ चौका र १ छक्कासहित २७ र रविन्द्र जडेजा २ रनमा आउट भए । हार्दिक पान्ड्या ५ रनमा नट आउट रहेका थिए ।