सामग्री खोज्नुहोस्

टोकियो । जापानमा सञ्चालित नेपाली विद्यालयबाट अफ्रीकन देश जाम्बियाका एक छात्रले माध्यमिक शिक्षा परीक्षा (एसईई) उर्तीर्ण गरेका छन् । टोकियोस्थित ओगिकुबोमा रहेको एभरेष्ट इन्टरनेशनल स्कुलबाट जाम्बियाका चिसा टाइरिस कावेजाले २.९५ जिपिए प्राप्त गर्दै एसईई उर्तीर्ण गरेका हुन् ।

चिसा टाइरिस कावेजा सो विद्यालयबाट एसईई उर्तीर्ण गर्ने पहिलो विदेशी विद्यार्थी रहेको विद्यालयका संस्थापक अध्यक्ष डा. भूपालमान श्रेष्ठले जानकारी दिए । एभरेष्टबाट यस वर्ष २३ जना विद्यार्थी एसईईमा सहभागि भएका थिए । जसमा शतप्रतिशत नजिता प्राप्त गरेको छ । सन् २०१३ मा स्थापना भएको विद्यालयमा विगत ४ वर्षदेखि एसईईको परीक्षा हुँदै आएको छ ।

एभरेष्टमा नेपाली पाठ्यक्रममा अध्ययन गर्न नेपाली मात्र नभएर विदेशी विद्यार्थी पनि आउने गरेका छन् । स्कुलमा ४५० विद्यार्थी अध्ययनरत छन् । जसमा २५ जना विदेशी विद्यार्थी रहेको विद्यालय प्रशासनले जनाएको छ ।