सामग्री खोज्नुहोस्

काठमाडौं । गायन रियालिटी शो ‘नेपाल आइडल’ सिजन ५ को उपाधि बर्दियाका करण परियारले जितेका छन् ।

पोखराकी सलोमी गुरूङ, दार्जिलिङका सचिन विश्वकर्मा र मोहित भुजेललाई पछि पार्दै करणले शनिबार उपाधि जितेका हुन् । उनले नगद २५ लाख र ट्रफीसहित थुप्रै अन्य उपहारहरू प्राप्त गरेका छन् ।

त्यस्तै फर्स्ट रनरअप सलोनी गुरुङ र सेकेन्ड रनरअप सचिन विश्वकर्मा भए । गुरुङले १० लाख नगद र ट्रफी पाए भने विश्वकर्माले ५ लाख नगदसहित ट्रफी हात पारेका थिए।

एपीवान टेलिभिजनले निर्माण गरेको अन्तर्राष्ट्रिय फ्रेन्चाइज गायन रियालिटी शो नेपाल आइडलको पाँचौं संस्करण गत फागुन २४ देखि प्रसारण भएको थियो। पाँचौं संस्करणका लागि देशभरिबाट १ सय ५२ जना छानिएका थिए।

पाँचौं संस्करको निर्णायकमा न्ह्यू बज्राचार्य, कालीप्रसाद बाँस्कोटा र इन्दिरा जोशी रहेका थिए।

यसअघि आइडलको चौथो सिजनमा भूपेन्द्र थापा मगर, तेस्रोमा सज्जा चौलागाईं, दोस्रोमा रवि ओड र पहिलो सिजनमा बुद्ध लामा विजेता बनेका थिए ।