सामग्री खोज्नुहोस्

टोकियो। गैर आवासिय नेपाली संघ चिवा क्षेत्रीय समितिको आयोजनामा चिवा प्रिफेक्चरमा पहिलो पटक नेपाल फेस्टिवलको आयोजना हुने भएको छ।

संघले चिवामा आज एक कार्यक्रमको आयोजना गरी सेप्टेम्बर महिनाको २२ तारिख आइतवार चिवाको माचुदो शहरमा पहिलो पटक नेपाल फेस्टिवलको आयोजना गर्न लागेको जानकारी दिएको हो।

माचुदो नगर संगको सहकार्यमा आयोजना गर्न लागिएको उक्त फेस्टिवलमा विभिन्न सांस्कृतिक झाँकीहरु सहित नेपालको कला र संस्कृतिलाइ जापानीहरु माझ पुर्र्याउने लक्ष राखिएको आयोजकले जनाएको छ।

कार्यक्रम बोल्दै गैर आवासीय नेपाली संघ राष्ट्रिय समन्यव परिषदका अध्यक्ष नबिन निउरेले क्षेत्रीय समितिहरुले नेपाल फेस्टिवल जस्तो ठुलो कार्यक्रमको आयोजना गर्नुलाई राम्रो सुरुवाद भन्दै यसलाई बिस्तार गर्न पर्नेमा जोड दिए।

चिवा क्षेत्रीय समितिले गर्न लागेको नेपाल फेस्टिवल १ दिन मात्रै चल्ने र त्यसपछि नोभेम्बर ३० र डिसेम्बर १ तारिख टोकियोमा पनि नेपाल फेस्टिवलको आयोजना गर्ने एनआरएनएले जनाएको छ।