सामग्री खोज्नुहोस्

काठमाडौं । टी–२० विश्वकपमा समूह ‘ए’ अन्तर्गतको खेलमा भारतले आयरल्याण्डलाई ८ विकेटले पराजित गरेको छ ।

आयरल्याण्डले दिएको ९७ रनको लक्ष्य भारतले १२.२ ओभरमा २ विकेटको क्षतिमा पूरा गरेको हो ।

भारतका लागि कप्तान रोहित शर्माले ३७ बलमा ५२ रन बनाए । उनले ४ चौका र ३ छक्का प्रहार गरे ।

यस्तै, ऋषभ पन्तले २६ बलमा ३६ रन बनाएर टोलीलाई लक्ष्यमा पुर्‍याए । उनले ३ चौका र २ छक्का प्रहार गरे ।

यस्तै, सूर्यकुमार यादवले २ रन बनाए । विराट कोहली पनि शुरूवातै १ रन बनाएर आउट भए ।

यसअघि टस हारेर पहिले ब्याटिङ गरेको आयरल्याण्ड ९६ रनमा सीमित बनेको थियो ।

आयरल्याण्डका लागि गेराथ डेलानीले १४ बलमा २६ रनको योगदान दिए । उनले २ चौका र २ छक्का प्रहार गरेका थिए ।

जोस लिटलले १३ बलमा १४ रनको योगदान दिए । उनले यसक्रममा दुई चौका प्रहार गरे । कर्टिस क्याम्फरले ८ बलमा १२ रन बनाए भने लोरकान टकरले १३ बलमा १० रन जोडे ।