सामग्री खोज्नुहोस्

एजेन्सी । श्रीलङ्कामा मनसुनी आँधीबेहरीसहित आएको बाढी, पहिरोका कारण कम्तीमा १४ जनाको मृत्यु भएको छ ।

प्रकोप व्यवास्थपन केन्द्र (डीएमसी)का अनुसार आइतबार राजधानी कोलम्बो नजिकै एकै परिवारका तीन सदस्यसहित केहीको डुबेर मृत्यु भएको हो ।

डीएमसीले ११ वर्षीया बालिका र २० वर्षीय पुरुषसहित अन्य पहिरोमा पुरिएको बताएको छ । मे २१ मा मनसुन तीव्र भएदेखि सात जिल्लामा रुख ढलेर अन्य नौ जनाको ज्यान गएको डिएमसीले जनाएको छ ।

श्रीलङ्का सिँचाइ र जलविद्युत्का लागि मौसमी मनसुन वर्षामा निर्भर छ । विज्ञहरूले जलवायु परिवर्तनका कारण विश्व तातो भएकाले मुलुकले बारम्बार बाढीको सामना गर्नुपरेको चेतावनी दिएका छन् ।

डीएमसीले देशका २५ मध्ये २० जिल्ला भारी वर्षाले प्रभावित भएको र मुख्य नदी किनारमा बस्ने मानिसहरूलाई उच्च जमिनमा जान चेतावनी दिइएको बताएको छ ।

कोलम्बोको मुख्य अन्तर्राष्ट्रिय विमानस्थलमा आइपुगेका उडानहरूलाई सानो विमानस्लमा मोडिएको छ र केही प्रमुख राजमार्गहरू धेरै निकासहरूमा बाढी आएको छ ।

थप वर्षाको सम्भावना रहेकाले सरकारले साताको बिदापछि सोमबार पनि सबै विद्यालय बन्द गर्न निर्देशन दिएको छ ।