सामग्री खोज्नुहोस्

एजेन्सी । लिथुआनियामा आइतबार राष्ट्रपतिको निर्वाचन शुरू भएको छ ।

निर्वाचनमा वर्तमान राष्ट्रपति गितानास नौसेदाले वर्तमान प्रधानमन्त्री इन्ग्रिडा सिमोनाइटसँग प्रतिस्पर्धा गरेका छन् ।

लिथुआनियाको केन्द्रीय निर्वाचन आयोग (भीआरके)का अनुसार २३ लाख ८५ हजार दुई सय ३५ मतदाता सूचीमा रहेका छन् । एक हजार आठ सय ९५ मतदान केन्द्रहरूमा स्थानीय समयअनुसार निर्वाचन बिहान ७ बजेदेखि बेलुका ८ बजेसम्म चल्नेछ ।

स्वतन्त्र उम्मेदवारका रूपमा पुनःनिर्वाचनमा भाग लिने राष्ट्रपति नौसेदाले मे १२ मा पहिलो चरणमा ४३ दशमलव ९५ प्रतिशत मत प्राप्त र सिमोनिटेले २० दशमलव पाँच प्रतिशत मत प्राप्त गरेका थिए ।

शीर्ष दुई उम्मेद्वार निर्वाचनको दोस्रो चरणमा प्रवेश गरेका छन् । उनीहरूमध्ये कुनै पनि उम्मेद्वारले पहिलो चरणमा आवश्यक साधारण बहुमत प्राप्त गर्न सकेका थिएनन् ।

नौसेदा र सिमोनाइटले अघिल्लो राष्ट्रपतीय चुनाव सन् २०१९ मा सामना गरिसकेका छन् ।