सामग्री खोज्नुहोस्

टोकियो । अप्रिलमा जापानी मुद्रास्फितिको गति सुस्त भएको छ ।

ग्यासको मूल्यमा गिरावट आएपछि अप्रिलमा जापानी मुद्रास्फितिको गति सुस्त भएको सरकारी तथ्याङ्कले शुक्रबार देखाएको छ ।

अस्थिर ताजा खाद्यसामग्रीको मूल्यबाहेक उपभोक्ता मूल्य सूचकाङ्क २.२ प्रतिशतमा आएको छ । जापानको आन्तरिक मामिला मन्त्रालयले मार्चमा उक्त दर २.६ प्रतिशत मापन गरेको थियो ।

यो आँकडा बजारको अपेक्षा अनुरूप थियो र कमजोर येनले आयातित वस्तुको लागि मूल्य वृद्धि गर्दा पनि आउने अनुमान गरिएको छ ।

ब्लुमबर्ग इकोनोमिक्सका तारो किमुराले भने, ‘यो आंकडाले उपभोक्ताको सुस्त मागको प्रतिक्रियामा कम्पनीहरूले मूल्य वृद्धिलाई नियन्त्रण गर्ने कदमलाई प्रतिबिम्बित गर्दछ ।’

संयुक्त राज्य अमेरिका र अन्य प्रमुख अर्थव्यवस्थाहरूले हालैका वर्षहरूमा आकाशिएको मुद्रास्फीतिको सामना गरेपनि जापानमा मूल्य वृद्धि न्यून देखिएको छ ।

बैंक अफ जापानको लामो समयदेखिको अति निस्क्रिय मौद्रिक नीतिहरू विश्वको चौथो अर्थव्यवस्थाका रूपमा चिनिने जापानबाट स्थिरता र अपस्फीतिलाई हटाउनको लागि अपनाइएको कदम थियो ।