सामग्री खोज्नुहोस्

एजेन्सी । पाकिस्तानमा दुई छुट्टाछुट्टै सडक दुर्घटनामा कम्तीमा ३५ जनाको मृत्यु भएको छ ।

पाकिस्तानको पञ्जाब प्रान्तको खुशाब जिल्लामा १७ जना यात्रु सवार ट्रक दुर्घटना हुँदा कम्तीमा ५ बालबालिकासहित १३ जनाको मृत्यु भएको छ । उक्त घटनामा ४ जना घाइते भएका छन् ।

मृतकमध्ये अधिकांश एकैघरका सदस्य रहेको बताइएको छ ।

उद्धार अधिकारीका अनुसार बन्नुबाट खुशाबको सुन उपत्यका जाँदै गरेको र तीव्र गतिमा रहेको ट्रक चालकको लापर्बाहीका कारण सडकबाट चिप्लिएर केही तल खाल्डोमा खसेको थियो ।

यसैगरी कराँचीबाट बलुचिस्तानको शाह नुरानी मस्जिदमा तीर्थयात्रीहरू लिएर जाँदै गरेको अर्को एउटा ट्रक दुर्घटनाग्रस्त हुँदा कम्तीमा १८ जनाको मृत्यु भएको र करिब ५० जना घाइते भएका छन् ।

उक्त घटनापछि मृतक र घाइतेहरूलाई तुरुन्तै कराँची ट्रमा सेन्टरमा पठाइएको थियो ।

शनिबार भएको उक्त दुर्घटनाका घाइतेहरूको उपचार भइरहेको प्रहरीले जनाएको छ ।