सामग्री खोज्नुहोस्

काठमाडौं । नेपाल क्रिकेट संघ (क्यान)ले सन्दीप लामिछानेमाथिको निलम्बन फुकुवा गरेको छ ।

बलात्कार मुद्दामा उच्च अदालत पाटनले बुधबार सफाइ दिएलगत्तै क्यानले उनीमाथिको निलम्बन फुकुवा गरेको हो ।

क्यानका अध्यक्ष चतुरबहादुर चन्दद्वारा विज्ञप्तिमा बलात्कार मुद्दामा निर्दोष रहेको फैसला आएकाले अन्तर्राष्ट्रिय र घरेलु सबै प्रकारको क्रिकेट गतिविधिबाट निलम्बन फुकुवा गरिएको उल्लेख गरिएको छ ।

निलम्बन फुकुवा भएसँगै लामिछानेले सबै प्रकारका घरेलु तथा अन्तर्राष्ट्रिय खेलमा सहभागिता जनाउन पाउने भएका छन् ।

उच्च अदालत पाटनका न्यायाधीशद्वय सुदर्शनदेव भट्ट र अञ्जु उप्रेतीको इजलासले त्रिकेटर लामिछानेलाई सफाइ दिएको थियो ।

यसअघि जिल्ला अदालत काठमाडौंले लामिछानेलाई बलात्कार मुद्दामा दोषी ठहर गर्दै आठ वर्ष कैद र पाँच लाख रूपैयाँ जरिवाना र क्षतिपूर्तिको फैसला सुनाएको थियो ।

त्यससँगै क्यानले पनि लामिछानेलाई क्रिकेट गतिविधिबाट निलम्बन गरेको थियो ।

यस्तो छ क्यानको विज्ञप्ति