सामग्री खोज्नुहोस्

जापान । नेपाली रिडर्स क्लब जापानले लेखक सुविन भट्टराईको उपस्थितिमा उत्प्रेरणात्मक कार्यक्रमको आयोजना गर्ने भएको छ ।

अप्रिल २० तारिख आइतबार टोकियोस्थित सिनओकुबोमा ‘लेखकसँग पाठक’ कार्यक्रमको आयोजना गरिएको कार्यक्रमको संयोजन गरिरहेका पशुपति भण्डारीले जानकारी दिए । 

‘सुविन भट्टराई नेपालीमाझ लोकप्रिय लेखक हुनुहुन्छ । हामीले उहाँको उपस्थितमा कार्यक्रम गर्ने योजना लामो समयदेखि बनाएका थियौं। अहिले पुरा गर्दै छौं’, संयोजक भण्डारीले भने ।

उनले जापानमा रहेका नेपालीलाई कार्यक्रममा सहभागिता जनाउनसमेत अनुरोध गरेका छन् । 

नेपाली रिडर्स क्लब जापानले नेपाली लेखकका पुस्तकहरूको प्रवर्द्धन गर्दै आएको छ ।

साथै यसैको माध्यमबाट नेपालमा सामाजिक क्षेत्रमा योगदान पुर्‍याउँदै आएको सुजन जोशीले बताए । कार्यक्रममा लेखक भट्टराईले रचना वाचनसमेत गर्ने छन् ।