सामग्री खोज्नुहोस्

एजेन्सी । दक्षिण अफ्रिकाको केपटाउनमा भएको आगलागीमा परी दुई जनाको मृत्यु भएको छ ।

शनिबार साँझ र आइतबार बिहान भएको आगलागीमा करिब दुई हजार व्यक्ति घरविहीन भएका आपतकालीन सेवाले जनाएको छ ।

केपटाउनका अग्नि नियन्त्रक तथा उद्धार प्रवक्ता जर्मेन क्यारेल्सले एक विज्ञप्ति जारी गर्दै भनेका छन्, ‘जलेर सख्त घाइते भएका एक वयस्क पुरुष र महिलाको उपचारका क्रममा निधन भएको चिकित्सकहरूले जनाएका छन् ।’

केपटाउनबाट करिब ३० किलोमिटर दक्षिणपूर्वमा रहेको फुलेनी बस्तीमा आइतबार राति २ः३० बजे भएको भीषण आगलागीमा १५० भन्दा बढी छाप्रा जलेर नष्ट भएका छन् ।

आगलागीको कारणबारे अनुसन्धान भइरहेको क्यारेल्सेले बताए ।

दक्षिण अफ्रिकामा छाप्राहरूमा बर्षेनी आगलागी हुने र सयौंको अकालमा मृत्यु हुने गरेको छ ।

आगलागी दक्षिण अफ्रिकाभरिका प्रमुख शहरहरू नजिकैको विशाल अनौपचारिक बस्तीका गरिब बासिन्दाहरूका लागि सदाबहार खतरा हो ।