सामग्री खोज्नुहोस्

एजेन्सी । भारतको विहार राज्यमा अटोरिक्सा र ट्रक एकापसमा ठोक्किँदा कम्तीमा ९ जनाको मृत्यु भएको छ । बुधबार भएको दुर्घटनामा अन्य ६ जना गम्भीर घाइते भएका छन् ।

विहारको राजधानी पटनाबाट करिब १३६ किलोमिटर दक्षिणपूर्वमा रहेको लखीसराय जिल्लाको बिहरारुरा गाउँ नजिकै लखिसराई–सिकन्द्र राजमार्गमा दुर्घटना भएको प्रहरीले जनाएको छ ।

‘आज बिहानविपरीत दिशाबाट आउँदै गरेको अटोरिक्सालाई ट्रकले ठक्कर दियो। दुर्घटनामा ८ जनाको घटनास्थलमै मृत्यु भयो भने रिक्सा चालकको उपचारका क्रममा अस्पतालमा मृत्यु भयो’, वरिष्ठ प्रहरी अधिकारीले बताएका छन् । घाइते ६ जना घाइतेलाई अस्पताल भर्ना गरिएको र उनीहरूको अवस्था गम्भीर रहेको बताइएको छ ।

दुर्घटनामा मारिएकाहरू विवाह समारोहम सरिक भएर घर फर्किदै थिए ।

मध्यरातको समयमा सडकमा चहलपहल कम भएकाले दुवै सवारीसाधन तीव्र गतिमा गुडिरहेको हुन सक्ने प्रहरीले जनाएको छ ।

थप अनुसन्धान भइरहेको प्रहरीले जनाएको छ ।