Kyodai News

एजेन्सी । पूर्वी अफगानिस्तानको नुरिस्तान प्रान्तको नोर्गाराम जिल्लामा गत आइतबार गएको पहिरोमा परेर कम्तीमा २५ जनाको मृत्यु भएको छ । साथै १० जना घाइते भएका स्थानीय प्रशासक कारी हबिबुल्लाह साबिरले जानकारी दिए ।

उनका अनुसार आइतबार राति नोरगरम जिल्लाको तातिन दारा क्षेत्रमा भारी वर्षा र हिउँ परेपछि पहिरो गएको थियो । पहिरोमा परेर महिला तथा बालबालिकालगायतका धेरै व्यक्ति हताहती भएका थिए ।

पहिरोले २० भन्दा बढी घरहरूमा क्षति पुगेको छ ।

राजधानी काबुलसहित अफगानिस्तानका केही भागहरूमा आइतबार दिउँसोदेखि वर्षा र हिमपात भइरहेको छ ।