Kyodai News

काठमाडौं । दाङको देउखुरीमा जिपको ठक्करबाट दुई जनाको मृत्यु भएको छ । मृत्यु हुनेमा दिदीबहिनी रहेका छन् ।

लमही–भालुवाङ सडकखण्डको राप्ती गाउँपालिका–८ पिपरीमा पूर्वबाट पश्चिमतर्फ गइरहेको प्र ३–०१०२२ च १३६९ नम्बरको जिपले आज साँझ सोही दिशातर्फ गइरहेको साइकललाई ठक्कर दिँदा साइकलमा सवार उनीहरूको मृत्यु भएको हो ।

मृत्यु हुनेमा साइकलमा सवार प्युठानको झिमरूक गाउँपालिका–१ घर भइ हाल राप्ती गाउँपालिका–८ पिपरी बस्दै आएकी ३५ वर्षीया राधा बस्नेत र उनकी बहिनी १६ वर्षीया विपना केसी रहेका प्रहरीले जनाएको छ ।

जिपको ठक्करबाट गम्भीर घाइते राधाको लमही अस्पतालमा तथा विपनाको क्रिसमस अस्पताल रुपन्देहीमा उपचारका क्रममा मृत्यु भएको हो ।