Kyodai News

एजेन्सी । गाजा पट्टीमा जारी इजरायली आक्रमणबाट मृत्यु हुने प्यालेस्टिनीको सङ्ख्या २८ हजार नाघेको छ ।

गाजास्थित स्वास्थ्य मन्त्रालयले शनिबार जनाएअनुसार इजरायली सेनाको आक्रमणबाट गत २४ घण्टामा मात्रै ११७ प्यालेस्टाइनीहरूको मृत्यु भएको छ । अन्य १ सय ५२ जना घाइते भएका छन् ।

योसँगै गत अक्टोबर ७ मा इजरायल–हमास द्वन्द्व शुरू भएदेखि मृत्यु हुनेको कुल सङ्ख्या २८ हजार ६४ पुगेको छ भने घाइतेको सङ्ख्या ६७ हजार ६११ पुगेको छ ।

इजरायली सेनाले गाजाको दक्षिणी भागमा रहेको रफाह शहरमा शुक्रबार रातिदेखि हवाई आक्रमण गरेको छ । जसमा कम्तीमा २८ जनाको मृत्यु भएको जनाइएको छ ।