Kyodai News

एजेन्सी । कम्बोडियामा एक बालकको बर्ड फ्लुबाट मृत्यु भएको छ । स्वास्थ्य मन्त्रालयका अनुसार ९ वर्षीय बालकको बर्ड फ्लुबाट मृत्यु भएको हो । बर्ड फ्लुबाट गत वर्ष तीन जनाको मृत्यु भएको थियो ।

उत्तरपूर्वी क्र्याटी प्रान्तका ती बालक आफ्नो परिवारसँग कुखुराको मासु खाएपछि बिमारी भएका थिए । उनलाई ज्वरो, खोकी र श्वासप्रश्वासमा कठिनाइ भएको थियो र बिहीबार उनको मृत्यु भयो ।

मन्त्रालयले परीक्षणहरूबाट बालकको मृत्यु बर्ड फ्लु भाइरसको अत्यधिक रोगजनक एच५एन१ स्ट्रेनबाट भएको बताएको छ ।

‘प्रमाणअनुसार बिरामीको घरमा पाँच वटा कुखुरा र तीन वटा हाँस मरेका छन्, उनीहरूले कुखुरा र हाँसको मासु पकाएर खाएका थिए’, मन्त्रालयले भनेको छ ।