सामग्री खोज्नुहोस्

एजेन्सी । इजराइली आक्रमणमा प्यालेस्टिनी क्षेत्रमा दुई पत्रकार मारिएका हमासद्वारा सञ्चालित स्वास्थ्य मन्त्रालयले जनाएको छ ।

एएफपी समाचार समितिका भिडियो स्ट्रिन्जर मुस्तफा थुरिया र अल जजिरा टेलिभिजन नेटवर्कका पत्रकार हम्जा वेल दहदौह कारमा यात्रा गरिरहेको बेला मारिएको मन्त्रालय र चिकित्सकहरूले बताएका छन् ।

हम्जाका बुबा वाएल अल–दहदौह गाजापट्टीमा अल जजिराका ब्युरो प्रमुख हुन् र हालैको एक आक्रमणमा उनी पनि घाइते भएका थिए ।

युद्धको सुरुवाती साताहरूमा एउटा छुट्टै इजराइली आक्रमणमा उनकी पत्नी र दुई छोराछोरी मारिएपछि उनी घाइते भएका थिए ।

यसैबीच अल जजीराले आइतबार गाजामा प्यालेस्टिनी पत्रकारहरूको हत्याको निन्दा गरेको छ । कतारमा आधारित टेलिभिजनका लागि काम गर्ने दुई पत्रकारको कार हमलामा मृत्यु भएको हो ।

अल जजीरा मिडिया नेटवर्कले इजरायली अधिकारकर्मीहरूले प्यालेस्टिनी पत्रकारहरूको कारलाई निशाना बनाएको भन्दै कडा निन्दा गरेको कम्पनीले विज्ञप्ति जारी गर्दै उल्लेख गरेको छ ।

साथै इजरायललाई ‘प्रेस स्वतन्त्रताको सिद्धान्तहरूको उल्लंघन’ गरेको आरोप लगाएको छ।