सामग्री खोज्नुहोस्

टोकियो। जापानको इशिखावा प्रिफेक्चरमा हिजो गएको भूकम्पमा परी मृत्यु हुनेको संख्या १५ पुगेको छ। भूकम्पले सबै भन्दा बढी क्षेती पुर्रयाएको इशिखावा प्रिफेक्चरको वाजिमा शहरमा मात्रै १५ जनाको मृत्यु भएको जापानी संचार माध्यमहरुले जनाएका छन्।

इशिखावा प्रिफेक्चरका घरहरुमा अहिले पनि आगो लागिरहेको र उद्दार कार्य चलिरहेकाले क्षेतीको एकिन विवरण आइनसकेको पनि अधिकारीहरुले जनाएका छन् । उद्दार कार्य चलिरहेकाले क्षेतीको पूर्ण विवरण आउन नसकेको बताइएको छ।

भूकम्प पछि सुनामीको खतरा रहेकाले ४६ हजार नागरिक सुरक्षित स्थानमा सारिएको छ। यद्यपि सुनामीको खतरा भने तत्काललाइ हटेको जापानको मौसम बिज्ञान विभागले जनाएको छ।

इशिखावा प्रिफेक्चरमा आज बिहान पनि ५.६ म्याङ्गेच्युटको अर्को भूकम्प गएको थियो। भूकम्प र सुनामीका कारणले घाइते भएकाहरुको उपचार भैरहेको भएपनि घाइतेहरु संख्या अहिले सम्म एकिन गर्न सकिएको छैन।

त्यस्तै इशिखावा प्रिफेक्चरमा भत्किएका घरहरुमा केही व्यक्तिहरु पुरिएको हुनसक्ने समेत उद्दारकर्ताहरुले जनाएको जापानको सरकारी संचार सस्था एनएचकेले जनाएको छ।

भूकम्प पछि तीब्र गतिका रेल सेवाहरु बन्द भएपनि कतिपय रेल सेवाहरु आज दिउँसो देखि पुनः संचालन आउने अनुमान सेवाप्रदायक कम्पनीहरुले जनाएका छन्।