सामग्री खोज्नुहोस्

टोकियो। जापानको इशिखावा प्रिफेक्चरमा हिजो गएको भूकम्पमा परी अहिले सम्म ८ जनाको मृत्यु भएको छ। भूकम्प पछि उद्दारमा खटिएका अधिकारीहरुका अनुसार इशिखावा प्रिफेक्चरको वाजिमा शहरमा अहिले सम्म ८ जनाको मृत्यु भएको हो।

इशिखावा प्रिफेक्चरका घरहरुमा अहिले पनि आगो लागिरहेको र उद्दार कार्य चलिरहेकाले क्षेतीको एकिन विवरण आइनसकेको पनि अधिकारीहरुले जनाएका छन्।

जापानको इशिखावा, निगाता र तोयामा प्रिफ्केचरमा ७.६ म्याग्नेच्युटको भूकम्प गएको थियो। भूकम्प पछि सुनामी पनि गएको जापानका संचार माध्यमहरुले जनाएका छन्। सुनामीका कारण समुद्री तटमा राखिएका पानी जहाजहरु पल्टिएक दृश्यहरु प्रशारण गरिएता पनि क्षेतीको विवरण अहिले सम्म आइसकेको छैन।

इशिखावा, निगाता र तोयामा क्षेत्रमा एकपछि अर्को भूकम्पको धक्का महसुस गरिएको थियो। जापानको मौसम बिज्ञान विभागले एक हप्ता सम्म ७ म्याग्नेच्युट भन्दा माथिको भूकम्प जान सक्ने अनुमान गरेको छ।

भूकम्प पछि विभिन्न क्षेत्रमा जारी गरिएको सुनामीको चेतावनी पूर्ण रुपमा हटाइएको छ।